Kini human nga gigamit ang pangalan ni Police Lieutenant Colonel Adelon Caacbay, Acting Chief of Police (COP) sa Panabo CPS sa pagpangilad sa usa ka botika sa syudad.
Sa interbyu sa DXDC RMN Davao kang Police Lieutenant Colonel Adelon Caacbay, gisaysay niini nga gigamit ang iyang pangalan, gi-contact sa scammer ang usa ka doktor sa syudad ug nagpailang siya ang hepe sa pulis aron magbaton og transaksyon sa usa ka botica diin gisundog pa ang tagalog nga linggwahe niini.
Nag-order og mga medisina kantidad P100,000 ang scammer nga gamiton matud pa alang sa medical assistance program. Dayon, nag-demand og prepaid load nga mokantidad sa P5,000. didto na nagduda ang botica diin kini dili binuhatan sa kapulisan.
“Hindi ‘yan gawain ng PNP especially ako. At the same time, kung meron mang gagawang ganyan, to verify nga ako nga ‘yon, pwede silang tumawag o mag-text sa hotline natin dito,” matud ni Caacbay.
Gibutyag sa police official, dili kini ang unang higayon nga gigamit ang pangalan sa hepe sa Panabo PNP sa pagpangilad, diin kini padayon karong gina-imbestigahan.
“Halos lahat pala ng naging hepe dito, ginagawan sila ng ganyang scam. Nung nakaraan daw, ‘yung ibang hepe sa restaurant na man, sa mga pizza delivery na man. Ganyang ‘yung ginagawa,” dugang sa hepe.
RadyoMaN Kirby Manzon
