Kotse nabalintong sa Calinan, driver luwas

Davao City – Gikumpirma sa Calinan Police Station nga luwas ang driver sa nahitabong disgrasya sa Barangay Inayangan, Calinan, Davao City alas 11:00 sa buntag kagahapon (Agosto 10, 2022).

Sa interbyu sa DXDC RMN Davao kang Police Staff Sergeant Real Bato, radio operator sa Calinan PNP, giila niini ang biktimang driver sa kotse (Honda Civic) nga si Evelita Compra, hamtong, taga Calinan Poblacion, Davao City.

Saysay ni Bato, samtang nagbiyahe, nawad-an ang driver og control sa maong dulhogon nga bahin sa karsada rason nga nibalintong ang iyang sakyanan.

Nagbaton og damyos ang sakyanan, samtang dali usab nga miresponde ang mga pulis ug barangay rescuers ug gidala sa hospital ang biktima nga luwas ra usab sa makuyaw nga kahimtang.

Pahinumdom sa awtoridad nga sigurodohong kondisyon ang sakyanan ingon man ang kaugalingon una mubiyahe aron malikayan ang disgrasya.

“Unang-una, i-check ang ilang sakyanan kung kondisyon tapos cautious sila sa pag-drive. Mao ra man na, sa driver ug sa sakyanan ra man atong (bantayanan). Dapat kondisyon sila mag-drive,” pahinumdom ni Bato.

RadyoMaN Kirby Manzon

Facebook Comments