Pulis sa viral street food post giimbestigahan sa DCPO

50
Davao City – Giimbestigahan sa Davao City Police Office (DCPO) ang viral post sa usa ka netizen sa pulis kinsa alegasyong wala nibayad sa gipanguhang street foods.

Sa AFP PNP Press Conference gibutyag ni Police Major Ma. Teresita Gaspan, DCPO spokersperson, giila nila ang maong pulis nga alegasyong nag-abusar og street food vendor.

Gibutyag ni Gaspan ginasubay nila sa closed-circuit television kun CCTV footage aron daling maila ang maong giakusahang pulis.

Gitataw niini, dili nila i-tolerate ang bisan unsang matang sa pagpangabuso ug mga hiwing binuhatan sa mga awtoridad.

Gibutyag ni Gaspan, pahamtangan gayod og sanction ang nasangpit nga pulis kung mapamatud-an ang alegasyon.

Sa nag-viral post sa ni Angelica Almaden, gisaysay niini nga alas 3:00 sa hapon adlawng Martes Agosto 9, samtang nagkaon siya’g street food adunay niabot nga patrol car diin nikanaog ang usa ka pulis. Nakita niini ang vendor nga ubay-ubay ka mga sticks sa iyang baligya ang gisulod sa supot ug niyamar ang pulis nga dugangan pa kini’g hotdog ug extra nga suka.



Gikadismaya ni Almaden ang pagsibat lang sa maong pulis ug sa iyahang pagpangutana sa vendor sagad na kini matud pa nga ginahimo kaniya sa maong mga pulis.

RadyoMaN Aimee Guinita

Facebook Comments