Lalaki nasikop sa kasong Robbery with Homicide

24
Gilamok na sa prisuhan ang usa ka lalaki nga wanted sa kasong Robbery with Homicide ang kinsa nadakpan sa operasyong gipahigayon sa mga kapulisan pasado ala 1:20 sa hapon kagahapon didto sa Barangay Hall, Purok-1, Panadtalan, Maramag, Bukidnon.

Giila ang suspek nga si Gerald Ugmares, 32 anyos, minyo, walay trabaho, ug residente sa naasoy nga lugar.

Si Ugmares ang nasikop pinaagi sa gahom sa Warrant of Arrest sa kasong Robbery with Homicide nga nakadokit ilawom sa Criminal Case No. 38171-22 nga gi-issue ni Hon. ISOBEL G. BARROSO, Presiding Judge sa RTC, 10th Judicial Region, Branch 8, Malaybalay City, Bukidnon, pinitsahan, March 2, 2022 nga walay girekomendang piyansa alang sa temporaryong kagawasan.

Gibalhog na sa Maramag Municipal Police Station ang suspetsado alang sa tokmang disposasyon.

Facebook Comments