South Cotabato – Nakabsan na sa iyang kinabuhi ang lalaki nga nagmotorsiklo human kining gipusil sa may Purok Tagumpay Barangay GPS siyudad sa Koroandal naiging adlaw nga Martes sa hapon sa wala mailhing suspek.
Sa paunang imbestigasyon sa Koronadal City Police Station giila ang biktima sa pangalang Ruel Quienoviva, residente sa Barangay Manili, Lutayan Sultan Kudarat.
Dugang pa sa kapolisan nga samtang nagmeneho og motorsiklo ang biktima giduolan kini sa suspek og kalit nga gipusil.
Misibat paingon sa wala masayring dapit ang gunman human sa insidente samtang gisulayan pa og dala sa pinakaduol nga ospital ang biktima apan nilabay ang pipila ka oras nakabsan kini sa iyang kinabuhi.
Nagpadayon ang gihimong imbistigasyon sa kapulisan kalabutan sa insidenti.
For more info’s and updates, like and share our official facebook account : www.facebook.com/ifm91.9Gensanofficial/
