Lalaki patay sa pagpanglabo.

18
Patay ang isa ka lalaki, matapos nga ginlabo sa bahin sang Purok Paglaum, Barangay Liberty, Tampakan, South Cotabato, pasado 6:20 sang aga sang Hunyo 23,2022.
Ginkilala ang biktima kay Berni Cenon alyas Ber-ber, 29-anyos, single, isa ka laborer, kag residente sang Purok 10, Barangay Sulit, Polomolok, South Cotabato.
Sa inisyal nga imbestigasyon sang mga otoridad, ginlabo ang biktima sang makapila ka bes nga nangin kabangdanan sang iya kamatayon.
Samtang ang ginatudlo naman nga person of interest ang iya upod sa trabaho.
Dugang pa sa imbestigasyon sang Tampakan PNP nga naglisensya ang biktima sa ila nga employer nga idul -ong ang suspek sa Sitio Melina sang Hunyo 22 sang hapon.
Suno pa pagkaaga nakit-an na lamang ang bangkay sini, samtang ang iya motorsiklo nakit-an naman sa kapinyahan sa bahin sang Purok Paglaum sa nasambit nga lugar.
Padayon naman ang imbestigasyon sang kapolisan sa insidente.
Facebook Comments