Davao del Norte – Nagpahimangno ang Diocese of Tagum sa publiko batok sa pag-post og malisyoso, binastos, ug sekswal nga mga komento batok kang Father Christian Soronio nga nag-viral ang hulagway sa social media.
Sa pahibalo sa Diocese of Tagum Social Communications Ministry (DiTaSCoM), giawhag ang publiko nga magpakita og respeto sa dignidad sa matag tawo ug magmabinantayon sa pagpaambit og mga impormasyon sa social media.
Giklaro usab sa diocese nga walay opisyal nga social media account si Father Soronio ug giawhag ang publiko nga magbantay sa posibleng pagpangilad, ilabi na sa mga mangayo og donasyon kun pinansyal nga tabang gamit ang iyang ngalan.
Subay niini, gidasig ang publiko nga mokonsulta sa opisyal nga communication channels sa diocese alang sa pagberipika ug pag-report.
RadyoMaN Wil Duran
Facebook Comments
