Base sa datus sa PSA XI, nakakuha ang Davao City og 6.3% gikan sa 6.7 niadtong Agosto, diin mas gamay sab kini kon itandi sa nakuha nga inflation rate sa tibuok rehiyon sa Davao nga niabot og 8.7%, ug kini gisundan sa Davao Oriental nga dunay 9.9%, Davao del Norte nga 10.4%, Davao Occidental nga 11.4%, Davao de Oro nga 11.5% ug Davao del Sur nga adunay pinaka taas nga inflation rate nga 11.7%.
Sa pikas bahin, alang sa food inflation sa Dakbayan, nagpabilin kini sa 10.5% sa Setyembre nga pareho sab niadtong Agosto.
Dugang pa nga ang pinakadakong nakaambag sa inflation sa dakbayan niadtong Setyembre mao ang pagkaon ug non-alcoholic beverages, housing ug utilities sama sa tubig, kuryente, ug gasolina, ug transportasyon.
Subay niini, gikan Enero hangtod Setyembre 2026 anaa na sab sa 5.4% ang kinatibuk-ang inflation sa dakbayan.
RadyoMaN Wil Duran
