Libreng IDs ug MDRs, giturn-over sa PhilHealth ngadto sa mga PDLs sa PDRC-Bukidnon

Giturn-over sa Philippine Health Corporation (Philhealth) ang mga libreng IDs ug Member’s Data Records (MDR) ngadto sa mga Person’s Deprived of Liberty (PDLs) sa Provincial Detention and Rehabilitation Center (PDRC) kaganiha sa buntag diri sa Malaybalay.

Gipangunahan ni Delio Aseron, Regional Vice President sa Philhealth ang maong kalihukan pinaagi sa suporta sa buhatan sa PDRC pinanguluhan ni Acting Jail Warden Nelson A. Balaba.

Mapasalamaton si Balaba sa Philhealth sa paghatag pagtagad sa mga PDLs diin sa maong pamaagi matabangan ang mga PDLs nga mahibalik ang ilang kompyansa sa kaugalingon nga posibleng nakasinati sa mga diskriminasyon gumikan sa ilang paglapas sa balaod.

Ubay-ubay nga mga PDLs ang nidawat sa ilang IDs ug MDRs gikan sa Philhealth ug aduna usay gipahigayon nga libreng konsultasyon sa ilang mga kahimtang panglawas pinaagi sa City Health Office (CHO)-Malaybalay.

Mahinumduman, kagahapong adlawa lang, miturn-over usab og IDs ug mga MDRs ang buhatan ngadto sa mga Indigenous Peoples (IP) students sa Luyungan IP School sa Barangay Bangcud, Malaybalay City.