27 ka mga balay nga himo sa light materials ang totally kag partially damaged sa Brgy. M. Roxas, Sto. Niño, South Cotabato tungod sa pagbubo sang mabaskog nga hangin kag ulan pasado alas 4:00 sang Mayo 27 sang hapon.
Samtang base sa datos sang MDRRMO Sto. Niño isa naman ang narekord nga pilason matapos maigo sang sang kahoy kag gilayon man nga gindala sa South Cotabato Provincial Hospital para sa nagakaigo nga medikasyon.
Pipila man ka puno sang lubi kag kahoy ang nakalatumba sa paghuyop sang mabaskog nga hangin sa nasambit nga barangay.
Ginkumpirmar naman ni Sto. Niño MDRRM Action Officer Alejo Dennis Fale nga gilayon naman nga naghatag sang family kit kag foodpack ang LGU Sto. Niño sa mga apektado nga pamilya.
Facebook Comments
