Giila ang biktima nga si Judita Dela Cruz, 70 anyos, balo, ug residente sa Purok-4, Barangay Casisang, Malaybalay City.
Samtang ang kabangga nga Hyundai EON Sub-Compact, nagtangag og plakang numero ANA5805 nga gimaneho ni Teodoro Suarez Jr., 38 anyos, minyo, ug residente sa VCDU Subdivision, Barangay San Jose, Malaybalay City.
Sumala sa report, nga patabok sa maong kadalanan ang biktima apan sa wala damha nabanggaan kini sa maong sakyanan nga padulong sa norte nga direksyon.
Gumikan niini, nakaangkon og grabeng injury sa kalawasan ang biktima nga gidala pa sa balay-tambalanan apan nakabsan ra gihapon sa hinulamang kinabuhi.
Temporaryo usab karong nakadetenar sa Malaybalay City Police Station ang drayber sa maong sakyanan alang sa tokmang disposasyon.
