Giila ang biktima nga si Johnny Villaroya, 67 anyos, minyo, ug residente sa Purok-8, Barangay Casisang, Malaybalay City.
Sumala sa taho sa kapulisan, paule sa iyang pinuy-anan ang biktima nga nagmaneho sa iyang Honda XRM single motor, sa dihang pag-abot sa lugar kung asa nahitabo ang pagpamusil, giatangan kini sa wala mailang suspetsado ug sa dihang natumba, gipabuthan kini sa suspek ug misibat sa wala matino nga direksyon.
Nakahiagom og samad pinusilan sa tuong mata ang biktima hinungdan sa hinanaling kamatayon niini.
Blanko pa karon ang kapulisan sa motibo sa maong krimen apan nagapadayon ang imbestigasyon pag-ila sa suspek.
Kasamtangang anaa sa punerarya ang patayng lawas sa biktima samtang panawagan usab sa mga kabanay sa biktima ang hustisya nga wala usay kalibutan sa posibleng muhimo sa maong krimen.
