LTFRB-XI: 6 PUVs dakpan tungod sa overloading

48
Davao City – Pipila ka mga Public Utility Vehicles (PUVs) ang na-isyuhan og citation ticket sa Land Transportation Franchising and Regulatory Board (LTRFB-XI) Davao City, sa hugot nga pagpatuman sa seven (7) commandments sulod sa public transportation ilabina karong nagkataas ang kaso sa Coronavirus Disease 2019 (COVID-19).

Kagahapong adlawa (Enero 11, 2022), anaa sa unom (6) ka PUVs ang nadakpan tungod sa overloading nga naglangkob sa 4 ka traditional Utility Jeepneys, 1 ka Filcab (Multicab) ug 1 ka UV Express, diin ang nahisgutan nakalapas sa 70% allowable passengers. Pipila ka bus usab ang na-isyuhan og citation tickets sa milabay nga adlaw tungod sa nagkalain-laing violation.

Tungod niini, gipahinumdom sa LTFRB ang istritkong pagpatuman sa 7 commandments nga mao ang musunod:

1. Wear masks (pagsuot og face mask)
2. No talking and making phone calls (Walay istorya ug phone calls sa biyahe)
3. No eating (Likayan ang pagkaon)
4. Keep public utility vehicles well ventilated (pagbaton og maayong ventilation sa sakyanan)
5. Conduct of frequent disinfection (pagpahigayon og regular nga disinfection)
6. No passengers with COVID-19 symptoms are to be allowed inside the public transportation (Dili tugotan sulod sa sakyanan ang pasaherong adunay simtomas sa COVID-19), ug
7. Observe appropriate physical distancing rules (Istriktong pag-obserba sa physical distancing), diin istrikto gihapong ginapatuman ang 70% passenger capacity sa Davao ilawom sa LTFRB Memorandum Circular (MC) No. 2021-076.

RadyoMaN Kirby Manzon

Facebook Comments