Davao de Oro – Usa ka maestro sa tulunghaan sa Maco, Davao de Oro, ang natala nga gikulata sa duha ka mga estudyante Hulyo 27, 2026.
Kini subay sa impormasyong nadawatan sa DXDC RMN Davao gikan sa Maco Municipal Police Station (MPS). Sumala pa sa pulisya, nahitabo ang insidente atol sa recess sulod sa gymnasium sa eskwelahan.
Dugang pa atol sa imbestigasyon, giingong gibadlong sa maestro ang usa ka Grade 10 nga estudyante tungod sa giingong paglapas sa polisiya sa eskwelahan bahin sa pagsul-ob og aryos. Nasuko matud pa ang estudyante ug misulay sa pagsumbag sa maestro apan napugngan sa ubang estudyante nga anaa sa lugar.
Sa dili madugay, giingong gisumbag ang maestro gikan sa likod sa laing estudyante nga giilang igsoon sa unang estudyante nga iyang gibadlong. Gikatahong nagtinabangay ang duha ka menor de edad sa pagpangulata sa maestro, hinungdan nga nakaangkon kini og mga samad sa nagkadaiyang bahin sa lawas.
Ang maong insidente girefer na sa School Guidance Office alang sa administratibong aksyon ug sa Municipal Social Welfare and Development Office (MSWD) alang sa hustong interbensyon tungod kay mga menor de edad ang nalambigit. Gipahinumduman usab sa Maco MPS nga ang tanang nalambigit sa kaso ug giisip nga inosente hangtod mapamatud-an ang sala sa korte.
Samtang, sumala ni DepEd XI Spokesperson Jenielito “Dodong” Atillo nga naglusad na og imbestigasyon ang Department of Education XI kalabot sa maong insidente sa pagpanguna ni Schools Division Superintendent Phoebe Jay Refamonte.
RadyoMaN Kareen Beltran
Kini subay sa impormasyong nadawatan sa DXDC RMN Davao gikan sa Maco Municipal Police Station (MPS). Sumala pa sa pulisya, nahitabo ang insidente atol sa recess sulod sa gymnasium sa eskwelahan.
Dugang pa atol sa imbestigasyon, giingong gibadlong sa maestro ang usa ka Grade 10 nga estudyante tungod sa giingong paglapas sa polisiya sa eskwelahan bahin sa pagsul-ob og aryos. Nasuko matud pa ang estudyante ug misulay sa pagsumbag sa maestro apan napugngan sa ubang estudyante nga anaa sa lugar.
Sa dili madugay, giingong gisumbag ang maestro gikan sa likod sa laing estudyante nga giilang igsoon sa unang estudyante nga iyang gibadlong. Gikatahong nagtinabangay ang duha ka menor de edad sa pagpangulata sa maestro, hinungdan nga nakaangkon kini og mga samad sa nagkadaiyang bahin sa lawas.
Ang maong insidente girefer na sa School Guidance Office alang sa administratibong aksyon ug sa Municipal Social Welfare and Development Office (MSWD) alang sa hustong interbensyon tungod kay mga menor de edad ang nalambigit. Gipahinumduman usab sa Maco MPS nga ang tanang nalambigit sa kaso ug giisip nga inosente hangtod mapamatud-an ang sala sa korte.
Samtang, sumala ni DepEd XI Spokesperson Jenielito “Dodong” Atillo nga naglusad na og imbestigasyon ang Department of Education XI kalabot sa maong insidente sa pagpanguna ni Schools Division Superintendent Phoebe Jay Refamonte.
RadyoMaN Kareen Beltran
Facebook Comments
