Un maestro ya sale irido despues ya queda victima derobo desde con el 3 maga hold-uppers na Tugung Street, Kaumpurna, ciudad de Isabela.
Con el victima ya conose como si Hansel Barro San Juan, 31, soltero, maestro del Claret College of Isabela.
Asegun na report del pulis ta maneja si San Juan consu motorsiclo encamino para na diila casa estaba na tiangue cuando tiene tres persona muntao na otro motorsiclo ya hace lagas conele y unu destos ya rebate su bag, cadenita, cell phone y conel llabe del su motor.
Ya man luchahan pa el victima y el maga suspechao pero unu diila ya sopla conele de calibre 45 pistola na su cabesa ya causa para iri.
Con el victima ya lleva na hospital mientras el caso bajo pa na imbestigacion.
Facebook Comments
