Nadakpan sa gilusad nga operasyon sa mga ginsakpan sa kapulisan ang usa ka mag-uumang wanted sa kasong Frustrated Murder pasado alas 2:35 sa hapon adtong Domingo didto sa Purok-6, Magsaysay, Quezon, Bukidnon.
Ang suspek giila nga si Gabriel Sacalam, 22 anyos, minyo, mag-uuma, ug residente sa naasoy nga lugar.
Mukabat sa P200,000.00 ang piyansa nga girekomenda batok sa suspek sa kasong Frustrated Murder pinaagi sa warrant of arrest nga gipasaka kaniya.
Nakakustodiya na karon sa Quezon Municipal Police Station ang suspetsado alang sa tokmang disposayon.
Facebook Comments
