Malampusong nasikop sa mga otoridad ang usa ka mag-uuma nga wanted sa kasong rape kon pagpanlugos human gilusad ang operasyon pasado alas 9:17 sa buntag kagahapon didto sa Purok-9, Barangay Romagook, Kibawe, Bukidnon.
Giila ang mag-uumang suspek nga si Joel Cabreana, 60 anyos, minyo, mag-uuma, Top 1 Most Wanted Person sa lungsod sa Kibawe sa kasong Rape, ug residente sa naasoy nga lugar.
Giissuehan sa warrant of arrest ang suspek sa kasong rape nakadokit sa criminal case no. 40365-23, pinitsahan Enero 30, 2023 ug walay girekomendang piyansa alang sa temporaryong kagawasan.
Gitingkagul na karon sa Kibawe Municipal Police Station ang suspetsado alang sa tokmang disposasyon.
Facebook Comments
