Kasundaluan, giklaro nga wala gitugotan nga maghupot og armas ang mga bahani sa lungsod sa San Fernando

Giklaro karon sa mga kasundaluan nga wala gitugotan ang mga bahani sa lungsod sa San Fernando, Bukidnon nga maghupot og armas.

Sa interview sa RMN Malaybalay ngadto kang 1st Lt. Kevin Bautista, Civil Military Operations (CMO)-Officer, ug Spokesperson sa 89th Infantry (Makatao) Battalion sa Philippine Army, gibutyag niya nga mga pana, sundang ug uban pa ang pwede lang nga gamiton sa mga bahani sa maong lungsod.

Kini tungod kay dili sila otorisado nga maghupot og armas ug gikinahanglan nga magkuha og lisensya para niini.

Dugang pa nga mga bugtong mga peace volunteers nga mga gamit ang pwede lang dalahon sa mga bahani.

Gilangkuban sa walo (8) ka mga barangay sa lungsod sa San Fernando, Bukidnon ang giorganisa nga mga bahani sa kasundaluan nga mao ang mga barangay sa Sto. Domingo, Bonacao, Kalagangan, San Jose, Matupi, Bugca, Dorian, ug Cabuling.

Dili matud pa gina-applyan ang pagka-Bahani, tungod kay sila mao na ang mga nagprotektar sa ilang mga yutang kabilin sukad pa sa nanlabayng mga panahon.

Facebook Comments