Giila ang mga biktima nga silang Ryan Jay Pineda, 24 anyos, ulitawo, ug residente sa Banisilan, Cotabato City nga nagmanehu sa usa ka unit sa Honda XRM 125 single motor, ug ang angkas niining naila nga si Ryan Clark Malac, 21 anyos, minyo nga taga Valencia City.
Samtang ang nakabangga nga sakyanan usa ka Nissan Navara Pick-up, nagtangag og plakang numero LAI6106, gimanehu ni Ronie Lantaca Quijal, nga residente sa Purok-5, South Poblacion, Maramag, Bukidnon.
Sumala sa report, pulos gadagan sa susamang direksyon ang mga nalambigit sa disgrasya sa dihang pag-abot sa lugar, dayong paliko sa sakyanan sa intersection nga bahin sa lugar, wala kini mabantayi sa gasunod nga single motor hinungdan sa panagbangga.
Nakahiagom og pangos ug bun-og sa kalawasan ang mga biktima nga daling gidala sa balay-tambalanan.
Samtang gidala usab sa Maramag Municipal Police Station ang drayber sa sakyanan alang sa tokmang disposasyon.
