Nasa kabuuang 9,435 na mga pulis ang idedeploy para sa Bangsamoro Autonomous Region in Muslim Mindanao o BARMM Parliamentary elections ayon ito sa Philippine National Police (PNP).
Kabilang dito ang mga 4,361 na pulis mula sa PROBAR at augmentation forces mula sa Police Regional Offices (PRO), Mobile Group, Highway Patrol Group (HPG), Explosive Ordnance Disposal, at PNP Special Action Force.
Sakop ng nasabing deployment ang mga Commission on Elections (Comelec) offices, Treasurer’s Offices, Voting Centers, Checkpoints, Quick Reaction Forces, Civil Disturbance Management Units, at Special Electoral Boards.
Ayon kay PNP Public Information Officer (PIO) Chief PCol. Allen Rae Co, handa at nakalatag na contigency plan ng PNP sa lahat ng mga posibleng mangyari sa nasabing aktibidad sa September 14.
Aniya, 98% nang handa ang lahat ng ahensya para sa nalalapit na eleksyon sa BARMM.
