Davao City – Aron makatabang sa kasamtangang administrasyon sa nasud Pilipinas, kinahanglan musunod sa mga balaod nga ginapatuman sa syudad sa Davao ug maningkamot sa kaugalingon nga magpatuo alang sa sa kaayuhan sa mga Dabawenyo.
Kini ang pipila ka mga mensahe nga gipaabot ni Davao City Mayor Inday Sara Duterte-Carpio atol sa pormal nga pag abri sa ika- 81 nga Araw ng Dabaw nga gipahigayon sa Rizal Park ning dakbayan.
Matud sa alkalde nga og dunay kalinaw ug han-ay nga pamuyo dinhi sa dakbayan, maminusan ang problema ni President Rodridgo Duterte diin sumala ni Mayor nga dili na kinahanglan pa maghuna-huna ni Presdiente sa kahimtang sa syudad ilabi na nga daghan pa kini og ginasulbad nga problema sa nagkadaiyang parte sa nasud.
Dugang ni Mayor Inday nga og magkahiusa ang mga dabawenyo, kini mao ang usa sa mga pamaagi nga makahatag og kontribusyon sa kasamtangang administrasyon.
Gani nagpasalamat usab si Mayor tungod tanan nagkasinabot nga maprotektahan ang syudad pinaagi sa pagka-maayong dabawenyos.
Samtang sa pormal nga pagbukas sa nasangpit nga selebrasyon, giawhag sa Mayor ang tanang bisita nga makigduyog sa nagkalain-laing aktibidad nga nakahan-ay karong bulana.
RadyoMaN Renz Barbarona
