Davao City – Giklaro ni Davao City Mayor Inday Sara Duterte nga wala niya gihuraw ang ubang Local Government Units (LGUs) aron tugotan ang paggawas ug sulod sa mga tao.
Gisugilon ni Mayor Inday ngadto sa mga kasikbit nga lugar sa Davao nga dili na hasulon pa ang mga tao sa mga requirements sa mga checkpoints.
“Wala nako sila gihuraw. Wala ko nanghilabot sa ilaha. Nag-ingon lang ko ayaw pangayo-i og requirement nga seal, original signature, travel order, confirmation pass, travel authority ug unsa pa nang ginapangayo dinha sa checkpoint because GCQ man ang inyuhang status,” segun sa alklade.
Base sa Inter-Agency Task Force Omnibus Guidelines, gitugotan ang movement sa mga tao sa mga lugar nga gipailawom sa GCQ gawas lamang sa leisure (suroy-suroy).
Segun niini nga ang pagpugong o pagdili sa pagsulod sa mga tao pinaagi sa lockdown dili garantiya nga maproteksyonan ang usa ka lugar kontra sa COVID-19 apan kinahanglang mangandam ang matag LGUs og mga measures.
Gisugyot sa Mayor nga kung buot nilang walay makasulod sa ilang lugar ipasaka nila ang ilang GCQ ngadto sa ECQ.
RadyoMaN Aimee Guinita
