Malampusong nasikop sa mga kapulisan ang usa ka mekaniko human misaybit pagpamaligya og illegal nga drogang shabu sa buy-bust operation nga gipahigayon pasado alas 10:49 sa gabie adtong Domingo didto sa Purok-2, Barangay Crossing, Libona, Bukidnon.
Giila ang suspek nga si Rosemar Dejon Dacup, alyas Mai-mai, 32 anyos, ug residente sa naasoy nga lugar.
Nakompiska gikan sa suspek ang muabot sa unom ka mga pakete sa gituohang drogang shabu nga mutimbang og dol-an usa ka gramo ug mukantidad og gibana-banang P6,135.00.
Narekober usab ang usa ka P1000 bill nga buy-bust money ug usa ka unit sa Apply nga cellphone.
Gikustodiya na sa buhatan sa Libona Municipal Police Station ang suspetsado samtang giturn-over ngadto sa PNP Bukidnon Provincial Forensic Unit ang mga nakompiskang ebidensya alang sa dugang imbestigasyon.
Ginaandam na ang kasong paglapas sa RA 9165 kon ang Comprehensive Dangerous Drugs Act of 2002 batok sa dinakpang suspetsado.
Facebook Comments
