Mga biktima sa linog sa Davao De Oro nakadawat na og ayuda pinansiyal sa DSWD XI

Davao City- Padayon nakadawat og asistensiya pinansiyal gikan sa Department of Social Welfare and Development Office XI ang mga biktima sa linog sa probinsiya sa Davao De Oro. Alayon ani, mukabat sa kapin 8.6 million pesos ang giapod-apod sa mga biktima sa linog sa maong probinsiya niadtong Mayo 7,2023.

Gipangunahan mismo ni DSWD XI Regional Director Atty. Vanessa Goc-ong ang paghatag og ayuda pinansiyal ngadto sa mga biktima sa linog gikan sa mga lungsod sa Compostela, Maragusan, Monkayo, Montevista, ug New Bataan, Davao De Oro nga gipahigayon sa miaging adlaw.

Ang pagtunol sa naasoy nga asistensiya pinaagi kini sa nagpadayon nga Emergency Cash Transfer Payout ilawom sa DSWD XI- Disaster Response Management Division alang sa mga biktima sa linog nga nahitabo niadtong buwan sa Marso ning kasamtangang tuig.

RadyoMaN Joel Viray

Facebook Comments