Mga biktima sa recruitment scam nagpatabang sa Sta. Ana PNP

52
Davao City – Nakig-alayon na sa Philippine Overseas Employment Agency ( POEA) ang Sta. Ana Police Station subay sa mas gipalawmang imbestigasyon sa gireklamong recruitment agency dinhi sa dakbayan sa Davao.

Sa interbyu sa DXDC RMN Davao kang Police Lt. Col. Ronald Lao, Sta. Ana PNP, Station Commander, susihon nila sa POEA kung rehistrado o aduna ba kiniy mga dokumentos aron maka-operate.

Matud ni Lao, kapin 30 ka mga biktima sa recruitment scam ang nagpatabang kanila. Nasayran nga sirado na ang giingong recruitment agency nga nagpasalig og deployment sa abroad isip waitress ug cleaners.

Ang mga complainants nakabayad na og placement fee nga P25,000-P35,000 ngadto sa mga recruitment agents apan nahanaw na ang maong personalidad kauban ang ilang mga placement fees.

Nagpahimangno si Lao sa publiko nga mag doble igmat ug sutaon og maayo ang mga ahensya nga ilang sudlan kung aduna silay planong manarbaho gawas sa nasod.

Mamahimong pasakaa’g kasong Estafa o Swindling ang maong gipangreklamong recruitment agents ug mismong ahensya matud ni Lao.



RadyoMaN Aimee Guinita

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments