Mga nasunog nakadawat og hinabang gikan sa RMN DXPR Pagadian

9

Pagadian City – Subling gitunol og tabang ang mga RadyoMaN sa RMN Pagadian sa mga nasunogan nga kasamtangang nagpasilong sa Balangasan gymnasium ning dakbayan.
Si RadyoMan Melchor Coronel ang nangulo sa paghatud sa usa ka sakyanan nga puno sa hinabang nga ngkolekta gikan sa mga tigpaminaw sa sibyahan human ang duha ka adlaw nga panawagan sa kahanginan.
Kadaghanan sa mga hinabang nga giapud-apod naglangkob sa sinina nga sarang magamit sa mga ginikanan ug alang sa mga kabataan.
Mahinumduman nga adunay 84 ka indibidwal ang naapektohan sa sunog niadtong sabado sa hapon diha sa Purok Romblon nga sakop sa Barangay Balangasan.
Nagpasalamat usab ang mga biktima sa sunog sa dyutay nga tabang nga ilang nadawat, lakip nga gipadayag sa ilang pagapasalamat ang mga barangay opisyales sa Balangasan.

Facebook Comments