Davao City-Nakadawat na og pasiunang tabang gikan sa City Social Welfare Development Office (CSWDO) ang mga nasunogan sa Km. 13, Zone 1, Barangay Panacan.
Sa interview sa DXDC RMN Davao kang Brgy.Panacan Kapitan Doce Apostol 33 ka pamilya ang nakadawat og food packs, gamit sa kusina ug uban pa human naugdaw ang 13 ka panimalay sa maong barangay niadtong adlawng Miyerkules, March 22, 2023.
Segun ni Apostol ang mga pamilya nga nasunogan temporaryong gihikling sa kapilya sa Zone 1, covered court sa maong barangay.
Inisyal nga report subay sa pagsusi sa kapitan mga batang nagdula og lighter ang hinungdan sa sunog.
Nanawagan si Kapitan Apostol ngadto sa mga Dabawenyo nga dunay malumong kasing kasing nga motabang sa mga nasunogan mamahimong ihatod kini sa evacuation center sa sa ilang barangay.
RadyoMan Don Pulayao
Facebook Comments
