Mga pulitiko nga maoy mutunol sa sweldo alang sa mga benepisyaryo sa TUPAD, gipatotsadaan sa Regional Derector sa DOLE

29
Zamboanga del Sur – Giklaro karon sa nangulo sa Department of Labor and Employment-IX (DOLE-IX) nga ang pondo para sa cash-for-work sa gilusad nga Tulong Panghanapbuhay sa Ating Disadvantaged/Displaced Workers o TUPAD program dili matod pa election money.
Sigon pa ni Atty. Roy Buenafe, regional director sa DOLE-IX, ang TUPAD usa ka all-year-round program sa ilang ahensya.
Matod Niya, usa kini ka community-based package of assistance nga naghatag og emergency employment para sa mga displaced workers, underemployed ug seasonal workers.
Dugang ni Director Buenafe, ang TUPAD usa sa programa sa gobyerno nga naghatag sa pagpahaw-as sa kalisod sa mga nagkalisod nga mga Pilipino nga epekto sa pandemya ug lain laing pang mga hinungdan.
Gipatutsadahan usab ni Director Buenafe ang mga politikong nitabang ug nagpakita sa venue sa panahon sa distribusyon sa payouts sa mga benepisyaryo sa TUPAD.
Giklaro ni Buenafe nga ang papel sa mga politiko mao ang pag-ila lamang sa potensyal nga mga benepisyaryo sa mga komunidad og dili ang pag-tunol sa sweldo sa mga benepisyaryo.
Facebook Comments