Mid-May surge posibleng mahitabo, publiko gi-awhag magpabakuna

45
Davao City – Posibleng musaka ang kaso sa COVID-19 sa bulan sa Mayo 2022.

Kini ang gibutyag ni Dr. Maricar Limpin sa Philippine College of Physicians atol sa interbyu kaniya sa tulumanong Straight to the Point uban si Radyoman June Duterte kinsa nagkanayon nga possible kining masinatian tunga-tunga sa bulan sa Mayo.

Sumala ni Limpin nga gawas sa election activities ug sa posibleng pagsulod sa bag-ong COVID-19 variants, usa usab sa rason niini ang paghinay sa immunity sa mga tao ilabi na kadtong wala pa nakapabakuna.

“Basically, we can expect sa middle of May kung tataas. Kung nandito yung bagong COVID variant, maaring tumaas yung COVID cases. Isa pang factor pag bumaba yung immunity ng mga tao… this time mababa na rin yung immunity lalong-lalo na sa mga hindi nagpapabakuna,” saysay sa presidente sa PCP.

Dugang sa gikabalak-an ni Limpin mao ang severe COVID-19 infection ilabi na sa mga nalakip sa vulnerable sectors gani nanawagan kini nga magpabakuna na o magpabooster sa mga nakumpleto na ang two doses.

Samtang gipasabot ni Limpin nga usa ka epektibong lakang ang lockdown sa usa ka area aron mokunhod ang kaso sa COVID-19 apan siguradong maapektohan ang ekonomiya.



Gani aron malikayan, gi-awhag ni Limpin ang publiko nga magpabooster shot na batok COVID-19 ingon man pagtuman sa minimum public health standards sama sa saktong pagsuot sa facemask.

RadyoMaN Jason Amisola

Facebook Comments