Milagrosong Santo Niño de Cebu, mobisita sa syudad

Pagadian City – Moabut sa dakbayan sa Pagadian karong adlaw’ng biyernis, Prebrero 3 ang imahe sa Balaang Bata sa Sugbo, ang Señor Santo Niño.
Kini maoy malipayung gipahibalo ni Rev. Fr. Allan Ondin ang Administrador sa Sto. Nino Cathedral aron masayud ang mga deboto sa pagbisita Balaang Bata.
Pagka alas otso sa buntag, gilaumang moabut ang imahe sa Balaang Batang Hesus dayon isunod ang prosesyon sugod sa San Jose Parish paingon sa cathedral.
Igo lang agian sa Santo Niño ang Plaza Luz ug Saint Columban College tungod kay ilahus man ang iyang imahe atubangan sa Sto. Nino Cathderal aron didto himuon ang Sinulog.
Haman niini pagahimuon ang Santos nga misa nga dumalahan ni Rev. Fr. Mark Tampus samtang pagka-alas 5:15 sa hapon nianang byernis dunay misa usab nga mismong si Most Rev. Ronald Lunas ang obispo sa Diocese sa Pagadian maoy Priseder.
Giawhag ang mga deboto nga ipakita sa batang hesus ang dakong kahinangop tungod kay panagsa lang mahitabo nga duawun ang atong lugar sa milagrosong imahe ni Señor Santo Niño.

Facebook Comments