Xian Gaza walay tubag sa imbitasyon sa SITG sa Plaza murder case

Davao City- Walay nakuhang tubag ug wala nikooperar ang social media personality nga si Christian “Xian” Gaza sa imbestigasyon sa pagpatay sa 38 anyos nga model ug businesswoman nga si Yvonette Chua Plaza.

Sumala ni Police Major Eudisan Gultiano, abli ang linya sa kapulisan para kang Gaza kung adunay kiniy impormasyon diha sa pagkab-ot sa hustisya sa biktima pinaagi sa legal nga pamaagi ug dili ra kutob sa social media.

Nagsumikad ang imbitasyon sa SITG kang Gaza base sa mga gi-post nga mga screenshots sa conversation nila ni Plaza nga adunay mga hulagway nga bun-og ang dagway ug ubang parte sa lawas niini diin alegasyong si BGen. Jesus Durante III, kanhi Brigade Commander sa 1001st Brigade ug former Presidential Security Group chief ang nihimo sa maong pagpanakit.

Samtang matud ni Gultiano nga mudawat gihapon sila og dugang mga witnesses nga adunay saktong impormasyon nga makatabang sa pagpalig-on pa sa kaso karon nga anaa sa Preliminary Investigation pa ang gipasang-at nga mga kaso sa SITG ngadto sa piskalya.

RadyoMaN Aimee Guinita

Facebook Comments