Misis ginpatay sang bana, mister nagpakamatay man.

19
Naabtan nga wala na sang kabuhi sang katapo sang Lake Sebu MPS ang mag-asawa sa ila balay sa Sitio Bentong, Barangay Lamlahak, Lake Sebu, South Cotabato, pasado alas 5:00 kahapon sang hapon.
Ginkilala ang biktima kay Marites Kali Tambukong, 36 -anyos, house keeper kag ang suspek nga bana ang ginkilala kay Joel Sangga Tambukong, 34 -anyos, mangunguma, pareho residente sang Sitio Bentong, Barangay Lamlahak, Lake Sebu, South Cotabato.
Sa imbestigasyon sang Lake Sebu MPS, may apat ka mga bata ang mag-asawa kag mismo nakasaksi sa natabo.
Sa pahayag sang 11-anyos nga bata sini, nagahigda ang ila nga iloy sa kwarto kag gilayon nga nagsulod ang ila nga amay matapos nagkuha sang bolo sa ila kusina kag gilayon na lamang nga ginbuno ang biktima nga naigo sa ulo kag leog.
Apang sang nakit-an sang suspek nga bana ang asawa nga wala na sang kabuhi ginbuno man sini ang kaugalingon.
Matapos ang insidente nagdalagan ang apat ka mga kabataan kag nangayo sang bulig sa kaingod nila.
Narekober sa crime scene ang bolo nga gingamit sang suspek.
Facebook Comments