MISTER, PILASON MATAPOS NGA GINBUNO SANG KAUGALINGON NGA ASAWA!

23
Dumalag, Capiz – Padayon nga ginabulong sa ospital ang isa ka mister matapos ini ang ginbuno sang iya asawa pasado alas 11 sang aga sa Sitio Katamnan Barangay San Jose, Dumalag, Capiz.
Pilas sa tiyan ang naangkon sang biktima nga nakilala kay Aladin Jetano y Orbe, yara sa legal nga pang-edaron samtang ang suspek ang mismo asawa sini nga ginhingadlan kay ‘Cristine’, lunsay residente sang nasambitan nga lugar.
Suno sa imbestigasyon sang kapulisan, nagluntad ang pagsabtanay sa tunga sang duha ka mga persona kun sa diin aksidente nga napatup – an sang biktima ang iya asawa.
Ini ang kabangdanan nga nakakuha sang kutsilyo ang suspek kag hinali nga ginbuno ang biktima sa tiyan.
Madasig naman ini nga gindala sa Tapaz District Hospital para dapatan sang pagbulong. Samtang yara na sa kustodiya sang iya pamilya ang suspek nga babaye. Nahibaluan nga masami nga ginaabot-abot sang iya nervous breakdown ang suspek.
Facebook Comments