Sa interbyu sa DXDC RMN Davao kang Police Staff Sergeant Ronelyn Gomez, chief investigator sa Matanao Police Station, giila niini ang biktima ug driver sa motor nga si Jake Salinas, 42 anyos, nagpuyo sa Barangay Dongan-Pekong, Matanao. Samtang, ang driver sa pedicab mao si Jesus Puizon, 35 anyos, residente sa Barangay Buri, Matanao.
Sa imbestigasyon, managlahi nga lane ang gisubay sa duha ka sakyanan ug sa dihang mi-ovetake ang pedicab, wala niini nabantayan nga adunay bara nga gikarga sa motor rason sa pagkasangit ug pagbangga sa sakyanan.
Nagpahimangno ang awtoridad nga sundon ang traffic rules and regulations aron malikayan ang susamang insidente.
“First gyud (hinumduman) is ang pag-wear sa helmet. Kay kung naka-helmet gyud to siya (biktima), dili gyud to siya ma-dead on the spot. Wala man gud syay helmet unya kusog kaayo iyang dagan. Kung panahon sa kagabhion, dapat maghinay-hinay ra gyud,” sulti sa imbestigador.
RadyoMaN Kirby Manzon
