Motor ug sakyanan nga padulong na sa parkinganan, nagkabangga

Nagsapon pa ug nalambigit sa disgrasya ang usa ka single motor ug usa ka sakyanan nga pulos na unta padulong sa Parking Area sa City Hall ning Malaybalay pasado alas 2:40 sa hapon adtong nakalabayng adlaw.

Gilambigitan ang maong disgrasya sa usa ka Isuzu MUX SUV, nagtangag og plakang numero ANA6574, nga gimanehu ni Kriezza Mae Vergara, 31 anyos, minyo, ug residente sa Barangay Bangcud, Malaybalay City batok kini sa usa ka Honda XRM nga single motor, nagtangag og plakang numero KD5714, nga gimanehu ni Jose Garcia Jr., 58 anyos, minyo, ug residente sa Zone-3, Barangay 11, ning siyudad.

Sa report gikan sa Malaybalay City Traffic Management Center (TMC), padulong na matud pa sa parking area sa City Hall ang duruha sa dihang pag-menor sa maong sakyanan nabanggaan ang luyong bahin niini sa gasunod nga single motor.

Nakaangkon og damyos ang mga nalambigit sa disgrasya ug wala usay gikatala nga samaron sa aksidente.

Nagkaareglo ra usab ang duha ka kampo human ang panagbangga.