Motorista patay human mabangga sa cargo truck

Davao City – Gideklarang patay sa hospital ang usa ka ka lalaki human kini nabangga sa usa ka cargo truck sa Mc Arthur Highway, Toril, Davao City alas 9:30 sa gabii niadtong Martes (Hulyo 19, 2022).

Sa report sa Toril Police Sation, ang biktima mao si Almario Tiero Toñacao, 48 anyos, motorista, residente sa Km. 17, Purok 1, Tibungco, Davao City. Samtang ang driver sa truck mao si Jerry Guanao, 45 anyos, minyo, driver ug residente sa Bago Aplaya, Davao City.

Subay sa nakasaksi sa insidente, ang truck gikan sa crossing traffic light padulong sa Barangay Lizada, Babisa ug pag-abot sa lugar sa insidente maoy pagtabok sa biktima rason nga nabanggaan kini ug nakahiagom og multiple serious physical injuries.

Gilayong gidala sa Southern Philippines Medical Center (SPMC) ang biktima ug didto kini gibawian sa iyang kinabuhi.

Samtang, anaa na usab karon sa kamot sa kapulisan ang driver sa truck nga gikatakdang mag-atubang og kaso.

RadyoMaN Kirby Manzon