Myembro sa Provincial Security Unit sa South Cotabato nga napatay sa buy-bust dugay nang ginamonitor

17

General Santos City–Dugay na matud pang ginamonitor sa kapulisan ang suspetsadong si Alfredo Saycon Pulido Jr. 44 anyos, usa ka meyembro sa provincial security unit sa South Cotabato nga naga pamaligya ug iligal nga droga hilabi na niadtong na-assign pa kini sa South Cotabato Provincial Jail.

Sumala pa ni Police Lieutenant Col. Marvin Duadua ang Chief Of Police sa Polomolok Municipal Police Station nga nalakip sa listahan Koronadal Police Station ug Regional Police Drug Enforcement Unit ang nasangpit nga suspect nga naga pamaligya ug iligal nga droga, hinungdan nga gipahigayunan ug operasyon alas 3:00 ang takna sa hapon sa Prk. Maligaya, Barangay Pagalungan, Polomolok South Cotabato ang nahigutang suspect.


Dugang pa ni Col. Duadua nga nasayod na sila nga armado ang nasangpit nga suspect hinungdan nga wala gayud sila mikompyansa tungod kay dala niini kanunay ang iyahang issued firearm.

Nasayran nga napalitan ug usa ka sachet sa gidudahang shabu ang nasangpit nga suspect nga nagkantidad ug 1,000 pesos ug sa dihang namatikdan niini nga pulis na ang iyahang mga katransaksyon gilayon niining gibunlot ang iyahang armas ug nagpabuto sa operatiba.

Tungod matud pa niini wala nay nahimo ang kapulisan kon dili modepensa sa ilahang mga kaugalingon ug gibalusan ug pabuto ang suspect nga miresulta sa pagkaigo niini sa iyahang lawas nga maoy hinungdan sa iyahang kamatayon.

Dugang pa ni Police Lt. Duadua nga tungod kay empleyado kini sa gobyerno makonsidera nila kining high value target kung asa nakuha sa nahisgutang suspect ang 1,000 pesos nga mark money ug ang lain pang 14 ka mga sachet sa gikatahapang shabu nga nagkantidad ug 11,800 ka pesos.(Dave Silagan)

Facebook Comments

From Advertisers