Tricycle driver sikop sa operasyon sa kapulisan

14
Handcuffs

General Santos City–Sikop sa gipahigayong operasyon sa Polomolok Municipal Police Station ang usa ka Jonathan Aguillon, 38 anyos nga nanimuyo sa Purok Salada, Barangay Poblacion, Polomolok, South Cotabato human nga nakuhaan kini ug iligal nga droga sulod sa iyahang panimalay.

Sumala pa ni Police Lieutenant Col. Marvin Duadua ang hepe sa Polomolok, Municipal Police Station nga gisulod nila ang panimalay sa nahisgutang suspect pinasikad sa usa ka search warrant nga pinirmahan ni Hon. Judge Eddie Rojas sa RTC branch-39 sa Polomolok South Cotabato human nga makumperma sa kapulisan nga nagalambigit gayud sa pag payuhot ug iligal nga droga ang nahisgutan.


Dugang pa ni Col. Duadua nga dugay na nilang target ang suspect ug sa dihang napagawasan ug warrant ang nahisgutan ilaha gilayon kining gi-implementar.

Nakuha sa balay sa suspek ang usa ka sachet sa gidudahang shabu ug mga drug paraphernalia’s.

Sa pikas bahin aminado ang suspect nga si Jonathan Aguillon nga iyaha gayud ang droga nga nakuha ngadto sa iyahang panimalay sa dihang gipahigayon sa kapulisan ang pag ronda kaniya alas 7:00 ang takna sa buntag.

Sumala pa sa nahisgutang suspect nga gipalit matud pa niya ang usa ka sachet nga nakuha sa iyahang panimalay kauban ang iyahang mga higala aron nga gamiton apan gipanghimakak niini nga nag pamaligya kini og droga.

Dugang pa niini nga bag-o lang kini nalambigit sa paggamit ug droga human nga na-inganyo kini sa iyahang mga higala. Samtang gibutyag usab niini nga siya nagagamitan ug iligal nga droga aron makondisyon sumala pa ang iyang lawas. (Dave Silagan)

Facebook Comments

From Advertisers