Nabiling ‘pubic hair’ sa kama gamitong ebidensya batok sa kawatan

165

Davao City- Nagpatabang sa Tugbok PNP si Maria Sebuda, 47 anyos nga taga-Deca Homes Barangay Tacunan Davao Ciity tungod kay giransak sa wala pa mailhing kawatan ang iyang pinuy-anan ug gikawat ang iyang mga alahas.

Sa blotter sa Tugbok PNP, nisamot ang kapungot sa biktima tungod kay gawas nga sya gikawatan nagbilin pagyud og daghang ‘pubic hair’ ingun man upos sa sigarilyo ang suspek ibabaw sa iyang kama.


Naghimo og occular investigation ang Tugbok police ug nasuta nga sa bintana miagi ang suspek pinaagi sa pagtangtang sa mga jalousie.

Nagsaysay usab ang mga silingan sa biktima ngadto sa mga imbestigador nga adunay wa mailhing lalake nga nagpaatbang sa balay ug posible kini nga maoy suspek sa pagpangawat.

Gitambagan sa pulis ang biktima nga mag-amping kay posible nga ang suspek gawas nga kawatan usa kini ka manyakis.

Gitipigan karon sa Theft and Robbery Section ang pubic hair aron gamitong ebidensya aron madakpan ang suspetsadong kawatan.

Kasamang Erin Lumosbog




Facebook Comments