Nag-bike nga lolo nabanggaan og bus, patay

34
Davao City – Dead on the spot ang usa ka lolo human kini nabanggaan og bus sa national highway sa Purok 7, Lagab, Compostela, Davao de Oro, alas 10:30 sa buntag kahapong adlawa (Agosto 18, 2022).

Sa interbyu sa DXDC RMN Davao kang Police Staff Sergeant (PSSg) Jonas Glen Javier, traffic investigator sa Compostela Municipal Police Station (MPS), giila niini ang biktima nga si Roberto Salveñola, 67 anyos, residente sa nahisgutang lugar. Samtang, ang driver sa bus mao si Rodel Dandoy, 37 anyos, residente sa Purok 5, Kimamon, Santo Tomas, Davao del Norte.

Saysay ni Javier, nag-bike ang lolo gikan sa Barangay Maparat pauli sa ilang balay sa dihang wala kini nabantayan sa bus driver nga nagbiyahe gikan Davao padulong New Bataan rason nga kini nabangaan.

“Wala nabantayan dayon (sa bus driver) unya kusog pud iyang dagan. Iyang gilikayan. Gitestingan niya og brake unya nisarasay man ang sakyanan. Daghan daw og sakay. Mao ‘tong naigo niya ang nag-bike,” saysay ni Javier.

Gilayon usab nga ni-surrender sa kapulisan ang driver sa bus. Karong adlawa (Agosto 19, 2020), gitakdang magkita ang duha ka kampo alang sa himuong kasabutan ug aron dili na maduso ang kaso batok sa bus driver.

Pahinumdom sa awtoridad sa mga motorista nga kanunay nga mag-amping sa biyahe ilabina sa mga national highway aron malikayan ang disgrasya.



RadyoMaN Kirby Manzon

[image: width=] <www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments