Nakilala na ang suspek nga nagtiro sa maestra sang Tigbauan National High School nga si Lanie Tamagos sang nakaligad nga Lunes sang hapon.
Ini ang ginkumpirmar ni Police Senior Inspector Hermogenes Eulatic, hepe sang Tigbauan PNP sa ila padayon nga pag-imbestigar sa nasambit nga kaso.
Suno kay Eulatic ngaila natukiban nga tumandok sa Palanguia, Pototan ang suspek nga ginkilala kay Henry Hermogenes nga may standing warrant of arrest sa Pototan PNP.
Ginpahayag pa ni Eulatic nga nakapangasawa sa banwa sang Dueñas ang suspek .
Gilayon nga ginpadulungan sang mga pulis ang nasambit nga mga lugar apang wala didto ang suspek kag nagapabilin ini nga at large tubtub subong.
Facebook Comments
