Davao City – Napasaka na sa San Pedro Police Station, ang kaso batok sa vendor human kini napalitan og pinaugang dahon sa marijuana nga si Roel Cadiente Mendoza, 38 anyos, ulitawo, residente sa Purok 12-C, St. John, Bucana, Brgy.76-A, Davao City.
Sa interview sa DXDC RMN Davao kang Police Major Marvin Hugos, Station Commander sa San Pedro Police Station gisulti niya, kasong kalapasan sa RA 9165 Comprehensive Dangerous Drugs Act of 2002 ang gikaso.
Ang suspetsado nakuhaan og 31.95 grams sa gituohang pinaugang dahon sa marijuana ug fruit tops nga adunay street market value nga P5,431.50 sa buy bust operation niadtong milabay’ng adlaw sa Purok 5, San Nicolas, Brgy. 8-A, syudad sa Davao.
RadyoMaN Don Pulayao
Facebook Comments
