Davao City – Nag-areglo na kagahapong adlawa September 8, 2023, ang duha kampo tali sa pamilya sa mekaniko ug driver sa boom truck nga gipanag-iyahan sa Davao City Water District (DCWD) ning dakbayan sa Davao.
Sa interview sa DXDC RMN Davao kang Police Major Jake Goles, Station Commander sa Sasa Police Station gisulti niya, dili na mopasaka og kaso ug mihatag na sa certificate of desistance ang pamilya sa mekaniko human nagkasabot.
Segun ni Goles, tubagon sa Davao City Water District (DCWD), ang galastuhon alang sa pagpahiluna sa patay’ng lawas sa biktima nga si Roger Conejar, 34 anyos, residente sa Taguranao, Matalam, North Cotabato.
Kahinumduman, mibangga ang motor sa biktima sa nakaparada nga boom truck sa DCWD sa Old Airport road, Cor. Marla Compound, Km. 9, Sasa, syudad sa Davaoo alas 9:00 sa gabii niadtong Siyeptembre 7, 2023 nga miresulta sa kamatayon niini.
RadyoMaN Don Pulayao
Facebook Comments
