Davao City – Hugot nga gipahimangno sa City Transport and Traffic Management Office (CTTMO) nga gidili ang pagpadagan sa mga e-trike ug e-bike sa mga national highway ug nag-unang kadalanan sa Davao City ubos sa City Ordinance No. 0334-12, Section 92, tungod wala kini otorisasyon nga mahimong pampublikong sakyanan.
Matud ni PMAJ Leonardo Pamplona (Ret.), Acting Division Head sa Traffic Enforcement and Street Management Division sa CTTMO-Davao City, iligal na ang operasyon sa mga e-trike isip public utility vehicle tungod walay ahensya nga naghatag kanila og awtoridad sa pagpamasahero.
Gipasabot usab ni Pamplona nga ang bag-ohay nga disgrasya nga nahitabo sa Bucana Coastal Road niadtong Hunyo 28, diin nagbangga ang usa ka SUV ug e-bike nga miresulta sa pagkamatay sa usa ka pasahero, dili lamang responsibilidad sa CTTMO kondili usab sa kapulisan ug mga opisyal sa barangay aron mapalig-on ang kaluwasan sa mga kadalanan nga ilang sakop.
Gani, adunay gipakatap nga mga personnel ang CTTMO sa maong dalan, apan giingon sa opisyal nga dili nila masakop ang tibuok Coastal Road, ilabina sa kagabhion, maong nangayo kini og mas lig-on nga koordinasyon sa ubang ahensya aron malikayan ang susamang mga aksidente. RadyoMaN Wil Duran
Matud ni PMAJ Leonardo Pamplona (Ret.), Acting Division Head sa Traffic Enforcement and Street Management Division sa CTTMO-Davao City, iligal na ang operasyon sa mga e-trike isip public utility vehicle tungod walay ahensya nga naghatag kanila og awtoridad sa pagpamasahero.
Gipasabot usab ni Pamplona nga ang bag-ohay nga disgrasya nga nahitabo sa Bucana Coastal Road niadtong Hunyo 28, diin nagbangga ang usa ka SUV ug e-bike nga miresulta sa pagkamatay sa usa ka pasahero, dili lamang responsibilidad sa CTTMO kondili usab sa kapulisan ug mga opisyal sa barangay aron mapalig-on ang kaluwasan sa mga kadalanan nga ilang sakop.
Gani, adunay gipakatap nga mga personnel ang CTTMO sa maong dalan, apan giingon sa opisyal nga dili nila masakop ang tibuok Coastal Road, ilabina sa kagabhion, maong nangayo kini og mas lig-on nga koordinasyon sa ubang ahensya aron malikayan ang susamang mga aksidente. RadyoMaN Wil Duran
Facebook Comments
