
Davao City – Napalgan ang usa ka bag-ong himugso nga batang babaye nga gibiyaan sa Phase 2, Elenita Heights, Uraya, Barangay Catalunan Grande, Davao City kagabii Oktubre 26, 2026.
Sa pakighinabi sa DXDC RMN Davao sa BDRRMC Mintal Operations Center, alas-9:00 sa gabii dihang nadawatan nila ang maong taho busa dali nila kining girespondehan.
Gihatagan gilayon og inisyal nga medikal nga atensyon ang bata ug gisusi ang iyang kahimtang. Gidala sab dayon kini sa Southern Philippines Medical Center (SPMC) alang sa dugang nga medical evaluation ug pag-atiman.
Sa pagkakaron, wala pa mahibal-i ang identipikasyon sa mga ginikanan o responsable sa paglabay sa baby ug ang laing mga sirkumstansya nga mitumaw sa maong insidente.
Naglusad na sab og back tracking ang mga kapulisan sa Talomo Police Station ingon man lakip sab sa ginasubay kon kinsa ang mga buntis nga manganakay sa lugar.
RadyoMaN Kareen Beltran
Facebook Comments










