“No Vaccination Card No Entry’’, ipatuman atol sa pagsaulog sa kapistahan ni Sr. Santo Niño de Pagadian

Pagadian City, Zamboanga del Sur – Hugot nga ipatuman sa kapulisan sa dakbayan sa Pagadian ang “No Vaccination Card No Entry”, dihang dapita sa Santo Niño Cathedral atol sa kapistahan sa Sr. Santo Niño de Pagadian.
Kini ang giluwatan nga pamahayag ni Police Lt. Virginie Bartiana, ang hepe sa City Community Affairs and Development sa Pagadian City Police Station atol sa press conference kagahapon.
Gimanduan ang tanang motambong sa santos nga misa nga mopresenta sa ilang tagsa-tagsa ka Vaccination Card ayha tugutan nga mosulod sa simbahan.
Gitugutan ang mga bata ilabina dose (12) anyos paubos nga mosalmot sa tigum apan kinahanglan bakunado ang ilang mga ginikanan.
Diha palang sa ganghaan sa simbahan dunay pag-rikisa sa mga mosulod gumikan sa hulga sa pandemya.//CCTO The Roman Catholic Diocese of Pagadian


Facebook Comments