NTC-10, aminado nga lisud sutaon ang tinubdan sa mga text scams

25
Aminado ang National Telecommunications Commission (NTC)-10 nga lisud sutaon ang tinubdan sa mga text scams nga gakatag karong panahona.

Sa interview sa RMN Malaybalay ngadto kang Engr. Vixter Abaday, sa NTC-10, gibutyag niya nga galisud sila og suta sa tinubdan sa mga text scams sa karon tungod sa duha ka mga rason.

Una niana matug pa nga ang mga ginagamit nga sim cards sa mga scammers, prepaid kon pwede ra i-dispose human magpadala sa text scams.

Dugang pa niya nga dili usab basta-basta makapa-trace og sim number tungod kay protektado kini sa Data Privacy Act gawas nalang kung adunay court order.

Sa pikas nga bahin, suportado usab sa NTC ang ginaduso nga Sim Registration Bill.

Malaumon si Engr. Abaday nga maaprobahan sa mga magbabalaud ang maong bill aron nga makontrolar ang paggamit sa mga mobile number, maprotektahan kini ug mahilikay sa mga text scams.

Facebook Comments