Davao City – Magsugod na karong Disyembre 27, 2022 ang pagparehistro sa mga sim card.
Gibutyag ni Nelson Cañete, National Telecommunications Commission XI Regional Director, natapos na ang Implementing Rules and Regulation (IRR) sa Republic Act 11934 o SIM Registration Act ug na-publish na usab kini.
Matud ni Cañete, kinahanglang marehistro sa mga users ang ilang sim cards sulod sa 180 diyas o unom ka bulan, kung wala marehistro ang sim sa gihatag nga duration moresulta kini sa automatic deactivation.
Sumala niini, ang Public Telecommunications Entity (PTE) o mga networks ang mohatag sa mga kliyente nila sa link sa registration.
Segun ni Cañete, dako kining tabang diha sa pagpakgang sa scammers nga padayong nagapang biktima diha sa mga cellphones.
RadyoMaN Aimee Guinita
Facebook Comments
