OCD-XI: Gatusan ka pamilya sa Davao region apektado sa pagbaha

47
Davao City – Nakauli na sa ilang mga panimalay ang gatusan ka pamilya nga naapektuhan sa pagbaha resulta sa pag-ulan nga nasinatian sa Davao Region epekto sa Southwest Monsoon.

Sa interbyu sa DXDC RMN Davao kang Angie Dela Cruz, tigpamaba sa Office of the Civil Defense (OCD)-XI, gibutyag niini nakasinati og flooding incidents sa pipila ka barangay sa munisipalidad sa Pantukan, Davao de Oro ug Lupon sa Davao Oriental diin nagpahigayon og preemptive evacuation.

Matud ni Dela Cruz, adunay natalang pag-overflow sa mga dams o major tributaries sa Barangay Tagugpo ug Sumlog River sa Davao Oriental.

Gawas niini wala nay laing extra damages ang nareport sa buhatan ug wala usay natalang casualties.

Gipaniguro usab sa OCD-XI official, nakaandam kanunay ang matag Local Government Unit (LGU) ilabina sa ayuda isip pasiunang tabang nga matunol panahon nga adunay mga residente nga maapektuhan sa pagbaha o unsa mang kalamidad.

“Anytime po simbako man nga naay mga evacuation nga i-conduct, maka-provide ‘ta automatically to the people in need and to the distressed public nga affected,” sulti ni Dela Cruz.



RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments