Sa interbyu sa DXDC RMN Davao kang Angie Payosalan, OCD-XI Information Officer, gibutyag niini nga adunay posibilidad nga muigo sa nasud ang ‘The Big One’ nga linog o ang pagtay-og nga muabot sa magnitude 8 pataas.
Sumala ni Payosalan, dako og kahimuan ang pagpartisipar sa katawhan sa ginahimong Nationwide Simultaneous Earthquake Drill (NSED) aron mabansay sa mga angay himuon panahon sa mga pagtay-og.
“Isa na siya sa possibility nga mahitabo and mao na ang among pirmi gina-exercise especially during the NSED and sa mga tabletop exercises namo – mga worst-case scenario kung mahitabo man ang atoang ‘The Big One’ (nga linog),” sulti ni Payosalan.
Gipasabot sa OCD-XI official, prone sa linog ang Davao Region tungod sa daghang fault systems sa rehiyon, rason nga angayang pangandaman sa kanunay.
RadyoMaN Kirby Manzon
